एमाले–माअाेवादी एकता बैठकमा उपेन्द्र यादवकाे इन्ट्री

काठमाडौं, ८ फागुन । एमाले र माओवादीका शीर्ष नेताबीच पार्टी एकीकरणबारे महत्वपूर्ण बैठक चलिरहेका वेला संघीय समाजवादी फोरम नेपालका अध्यक्ष उपेन्द्र यादव पनि प्रधानमन्त्री निवास बालुवाटारमा पुगेका छन् । एमाले नेता अग्नि खरेलसँग बालुवाटार पुगेका उनी केही बेरमै बाहिरिएका थिए । बालुवाटार जानुभन्दा अघि आज दिउँसो पनि यादव र खरेलबीच छलफल भएको थियो ।

बालुवाटार स्राेतले दिएकाे जानकारीअनुसार त्यसक्रममा यादवले प्रधानमन्त्री र माअाेवादी अध्यक्ष प्रचण्डसँग संविधान संशाेधनका विषयमा अाफ्नाे धारणा राखे ।बालुवाटारबाट निस्केपछि यादवले त्यहाँ रहेका सञ्चारकर्मीहरुलाई कुनै प्रतिक्रिया दिएनन् । बैठकमा सरकारमा सहभागिताकाे विषयमा समेत छलफल चलिरहेकाले त्यसबारे धारणा बुझ्न यादवलार्इ बालुवाटार बाेलाइएकाे अनुमान छ ।तर, यादवले सरकारमा सहभागिताबारे निर्णयमा पुग्नुअघि एमाले र माअाेवादी संविधान संशाेधनका लागि सहमत हुनुपर्ने धारणा राख्दै अाएका छन् ।नयाँ पत्रिका दैनिकले समाचार छापेको छ ।

 

 

सम्बन्धित शीर्षकहरु