रौतहट ,६ जेठ । गत वैशाख ३० गते भएको स्थानीय तहको चुनावबाट नवनिर्वाचित नगर प्रमुखहरुले आज गौर नगरपालिकाको भवनमा शपथ ग्रहण गरेका छन् ।

शुक्रबार जिल्लाको सदरमुकामस्थित गौर नगरपालिकाको सभा हलमा ५ वटा नगरपालिकाका नगर प्रमुखहरुले शपथ ग्रहण गरेका हुन्।

नगरवासीहरुलाई साक्षी राखेर गौर नगरपालिकाको नवनिर्वाचित मेयर शम्भू साह, राजदेवी नगरपालिकाको नगरप्रमुख भिकारी यादव, मौलापुर नपाको मेयर रीना साह, परोहा नपाका मेयर शेख वकील र दुर्गा भगवती गाउँपालिकाका अध्यक्ष शम्भू सिंहले शपथ लिएका गरेका हुन् ।